பொது

கல்லூரி மாணவர்கள் கவனத்திற்கு

2011-01-18T09:45:00.005+05:30

ஒவ்வொரு வருடமும் சென்னை ஐ.ஐ.டி. இல், வேறு கல்லூரிகளில் படிக்க்ம் மாணவர்கள் summer internship செய்ய ஒரு அறிவிப்பு வரும். 2011க்கு , இப்போது அதற்கான விளம்பரம் வந்துள்ளது. நீங்களோ, உங்களுக்கு தெரிந்தவர்களோ கல்லூரியில் படித்தால் இதை பயன்படுத்திக் கொள்ளலாம்.

விவரங்களுக்கு இங்கே சொடுக்கவும். சுருக்கமாக,

1. எல்லா பொறியியல், அறிவியல் , Management, Humanities துறைகளிலும் இருக்கிறது.
2. அப்ளிகேசன் கொடுக்க கடைசி நாள் பிப்ரவரி 18, 2011.
3. internship ஆனது மே மாதம் 16 முதல் ஜுலை 15 வரை. இதில் கொஞ்சம் மாற்றிக்கொள்ள முடியும். (எ.கா. உங்கள் கல்லூரி கொஞ்சம் லேட்டாக முடிந்தால், நீங்களும் தாமதமாக வர அனுமதிப்பார்கள்)
4. மாதம் 6,500/- ரூபாய் வரை, ஸ்காலர்ஷிப் கிடைக்கும்.
5. இது மூன்றாம் ஆண்டு படிக்கும் B.E./ B.Tech./ BSC (Engg) மாணவர்களுக்கு மற்றும் முதல் ஆண்டு படிக்கும் எம்.ஏ, எம்.எஸ்.சி. , எம்.பி.ஏ, மாணவர்களுக்கு. ஆனால், இரண்டாம் ஆண்டு படிக்கும் B.E./ B.Tech. மாணவர்களும் சும்மா application போட்டு வைக்கலாம் என்பது என் கருத்து.
6. Application fee கிடையாது.

வெறும் அப்ளிகேசன் போட்டால் ஓரளவுதான் வாய்ப்பு. உங்கள் வாய்ப்பை அதிகரிக்க நீங்கள் செய்ய வேண்டியவை:

1. உங்கள் துறையில் ஐ.ஐ.டி. யில் யார் யார் வேலை செய்கிறார்கள், என்ன செய்கிறார்கள் என்பதை இணைய தளத்தில் சென்று பார்க்கவும்.
2. பெரும்பாலும் ரிடையர் ஆகப் போகிறவர்கள், தற்போது டீன், ஹெச்.ஓ.டி. ஆக இருப்பவர்கள் எல்லாம் பிசியாக இருப்பார்கள். அவர்களை விட்டு விடலாம். பிற பேராசிரியர்கள் செய்யும் ஆராய்ச்சி பற்றி படியுங்கள்.
3. ஓரிரு துணைத்துறை (sub division) செலக்ட் செய்து, அவர்கள் செய்யும் வேலை பற்றி ஆராய்ச்சி கட்டுரை கிடைத்தால் படிக்கவும்.
4. அப்ளிகேசனுடன், நீங்கள் இதற்கு முன் எதாவது கான்பரன்ஸ் பேபர் செய்திருந்தால் அது பற்றிய விவரங்களை கொடுக்கவும்.
5. அடுத்து, நீங்கள் எந்த துணைத்துறையில் வேலை செய்ய விரும்புகிறீர்கள் என்பது பற்றி ஒன்று அல்லது இரண்டு பத்தி (ஆங்கிலத்தில்) எழுதுங்கள். இறுதியில், ”வேறு துணைத்துறையில் இருந்தாலும் வேலை செய்ய தயார்” ( Although these are my main areas of interest, I am ready to work in other areas too if the opportunity arises....) என்பதையும் எழுதுங்கள்.
6. தனிப்பட்ட விவரங்களை தவிர்க்கவும் (hobbies, married/single etc).

Good luck.

இளநிலை கல்லூரி மாணவர்கள் கவனத்திற்கு

2010-10-31T19:39:00.003+05:30

பெங்களூரிவில் இருக்கும் IISC (ஐ.ஐ.எஸ்.சி) என்ற இந்திய அறிவியல் கழகத்தில் கோடைப் பயிற்சி வாய்ப்பு பற்றிய அறிவிப்பு வந்திருக்கிறது. இதன் விவரங்கள் இங்கே கொடுக்கப் பட்டு உள்ளது.

சுருக்கமாக,

1. பல இஞ்சினியரிங், மற்றும் அறிவியல் துறைகளில் வாய்ப்பு உண்டு
2. 31. டிசம்பர்.2010 தான் கடைசி நாள். காலம் தாமதிக்காமல், விரைவில் விண்ணப்பம் செய்யவும்.

பொறியியல் துறை மாணவர்கள் கவனத்திற்கு!

2010-01-18T22:30:00.002+05:30

ஒவ்வொரு வருடமும் சென்னை ஐ.ஐ.டி. இல், வேறு கல்லூரிகளில் படிக்க்ம் மாணவர்கள் summer internship செய்ய ஒரு அறிவிப்பு வரும். 2010க்கு , இப்போது அதற்கான விளம்பரம் வந்துள்ளது. நீங்களோ, உங்களுக்கு தெரிந்தவர்களோ கல்லூரியில் படித்தால் இதை பயன்படுத்திக் கொள்ளலாம்.

விவரங்களுக்கு இங்கே சொடுக்கவும். சுருக்கமாக,

1. எல்லா பொறியியல் மற்றும் அறிவியல் துறைகளிலும் இருக்கிறது.
2. அப்ளிகேசன் கொடுக்க கடைசி நாள் பிப்ரவரி 17.
3. internship ஆனது மே மாதம் 17 முதல் ஜுலை 16 வரை. இதில் கொஞ்சம் மாற்றிக்கொள்ள முடியும். (எ.கா. உங்கள் கல்லூரி கொஞ்சம் லேட்டாக முடிந்தால், நீங்களும் தாமதமாக வர அனுமதிப்பார்கள்)
4. மாதம் 6,500/- ரூபாய் வரை, ஸ்காலர்ஷிப் கிடைக்கும்.
5. இது மூன்றாம் ஆண்டு படிக்கும் B.Tech. மாணவர்களுக்கு மற்றும் முதல் ஆண்டு படிக்கும் எம்.எஸ்.சி. , எம்.பி.ஏ, எம். ஏ மாணவர்களுக்கு. ஆனால், இரண்டாம் ஆண்டு படிக்கும் B.Tech. மாணவர்களும் சும்மா application போட்டு வைக்கலாம் என்பது என் கருத்து.
6. Application fee கிடையாது.

வெறும் அப்ளிகேசன் போட்டால் ஓரளவுதான் வாய்ப்பு. உங்கள் வாய்ப்பை அதிகரிக்க நீங்கள் செய்ய வேண்டியவை:

1. உங்கள் துறையில் ஐ.ஐ.டி. யில் யார் யார் வேலை செய்கிறார்கள், என்ன செய்கிறார்கள் என்பதை இணைய தளத்தில் சென்று பார்க்கவும்.
2. பெரும்பாலும் ரிடையர் ஆகப் போகிறவர்கள், தற்போது டீன், ஹெச்.ஓ.டி. ஆக இருப்பவர்கள் எல்லாம் பிசியாக இருப்பார்கள். அவர்களை விட்டு விடலாம். பிற பேராசிரியர்கள் செய்யும் ஆராய்ச்சி பற்றி படியுங்கள்.
3. ஓரிரு துணைத்துறை (sub division) செலக்ட் செய்து, அவர்கள் செய்யும் வேலை பற்றி ஆராய்ச்சி கட்டுரை கிடைத்தால் படிக்கவும்.
4. அப்ளிகேசனுடன், நீங்கள் இதற்கு முன் எதாவது கான்பரன்ஸ் பேபர் செய்திருந்தால் அது பற்றிய விவரங்களை கொடுக்கவும்.
5. அடுத்து, நீங்கள் எந்த துணைத்துறையில் வேலை செய்ய விரும்புகிறீர்கள் என்பது பற்றி ஒன்று அல்லது இரண்டு பத்தி (ஆங்கிலத்தில்) எழுதுங்கள். இறுதியில், ”வேறு துணைத்துறையில் இருந்தாலும் வேலை செய்ய தயார்” ( Although these are my main areas of interest, I am ready to work in other areas too if the opportunity arises....) என்பதையும் எழுதுங்கள்.
6. தனிப்பட்ட விவரங்களை தவிர்க்கவும் (hobbies, married/single etc).

Good luck.

தமிழக என்ஜினியரிங் கல்லூரிகளில் சேர்க்கை - பகுதி 5

2009-05-06T21:02:00.003+05:30

தமிழகத்தில் இருக்கும் அண்ணா பல்கலையை சார்ந்த என்ஜினியரிங் கல்லூரிகளில், நல்ல கல்லூரிகள் என்று கருதும் சில கல்லூரிகள் லிஸ்டு இங்கே கொடுக்கப் பட்டு இருக்கிறது.

டிஸ்கி: எனக்கு தெரிந்த வரை சரியான விவரம் கொடுத்திருக்கிறேன். நல்ல கல்லூரிகள் ஏதாவது விட்டுப் போய் இருந்தாலோ, அல்லது ஓட்டை கல்லூரி லிஸ்டில் இருந்தாலோ அது தெரிந்து செய்தது அல்ல. மற்றபடி நீங்கள் ஒரு கல்லூரியில் சேரும் முன்னர் எல்லா விவரங்களையும் சரிபார்ப்பது உங்கள் பொறுப்பு!

கீழே இருக்கும் லிஸ்டில் , cut-off என்று இருப்பது எலக்ட்ரானிக்ஸ் துறைக்கு பொதுப் பிரிவில்
போன வருடம் (2008 ஆகஸ்டு மாதம்) அந்த கல்லூரியில் சேர்ந்த மாணவர்கள் எடுத்த மதிப்பு ஆகும். இந்த மார்க் அல்லது அதிகம் எடுத்தவர்கள் மட்டுமே அந்த துறையில் அந்தப் பிரிவில் சேர்ந்திருக்கிறார்கள். மற்ற துறைகளுக்கும் மற்ற பிரிவிற்கும் பொதுவாக மதிப்பெண் குறைவாக இருக்கும். எல்லா விவரங்களும் தெரிய வேண்டும் என்றால் அண்ணா பல்கலைக் கழக இணைய தளத்திற்கு சென்று தெரிந்து கொள்ளலாம். ‘ஒரு பானை சோற்றுக்கு ஒரு சோறு பதம்' என்று இந்த ஒரு எண்ணை வைத்து ஓரளவு மதிப்பிட முடியும். (அட்டவணை ரொம்ப கீழே இருக்கிறது, அதை மேலே கொண்டுவர வழி தெரியவில்லை).

Name	Cut Off	Comments
"College of Engineering, Chennai "	200	---
"Madras Institute of Technology, Chennai "	199.5	---
"P.S.G. College of Technology, Coimbatore "	199.5	---
"Coimbatore Institute of Technology, Coimbatore "	198.25	---
"Govt. College of Technology, Coimbatore "	198.25	---
"Sri Sivasubramaniya Nadar College of Engineering, Chennai "	198	---
"Thiagarajar College of Engineering, Madurai "	198	---
"Sri Venkateswara College of Engineering, Sriperumbudur "	197.25	திருப்பாச்சூரில் இருக்கும் Sri Venkateswara College of Engineering and Technology என்பது வேறு கல்லூரி
"Kumaraguru College of Technology, Coimbatore "	197	---
"St. Joseph's College of Engineering, Chennai "	197	காஞ்சிபுரத்தில் இருக்கும் St Josephs College of Engineering என்பது வேறு கல்லூரி
"A.C. College of Technology, Chennai"	196.75	இந்தக் கல்லூரியில் E.C.E. கிடையாது. கெமிக்கல் துறை cut-off 196.75 ஆகும். .
"Kongu Engineering College, Erode "	196.25	---
"Velammal Engineering College, Chennai "	196.25	Velammal Institute of Technology என்பது வேறு கல்லூரி
"Govt. Engineering College, Salem "	196.25	---
"A.C. College of Engineering and Technology, Karaikudi "	195.75	---
"B.S. Abdur Rahman Crescent Engineering College, Chennai "	195.75	---
"Panimalar Engineering College, Chennai "	195.5	---
"Sri Sairam Engineering College, Chennai"	195.25	"Sri Sairam Institute of Technology, SriRam Engineering College ஆகியவை வேறு கல்லூரிகள்"
"Govt. Engineering College, Tirunelveli "	195.25	---
"Meenakshi Sundararajan Engineering College, Chennai "	195.25	---
"MEPCO Schlenk Engineering College, Sivakasi "	195	---
"R.M.K. Engineering College, Thiruvallur "	195	"RMK College of Engineering and Technology, Thiruvallur என்பது வேறு கல்லூரி”
"Easwari Engineering College, Chennai "	195	---
"Bannari Amman Institute of Technology, Sathyamangalam "	194.75	---
"Jeppiaar Engineering College, Chennai "	194.5	---
"Institute of Road and Transport Technology, Erode "	193.5	---
"R.M.D. Engineering College, Thiruvallur "	193	---
"Sona College of Technology, Salem "	193	---
"Vel Tech Engineering College, Chennai "	192.25	Vel High Tech என்பது வேறு கல்லூரி
"Rajalakshmi Engineering College, Kanchipuram Dt "	191.75	---
"Govt. College of Engineering, Bargur "	191.5	---
"Misrimal Navajee Munoth Jain Engineering College, Chennai "	190.5	---
"V.L.B. Janaki Ammal College of Engineering and Technology, Coimbatore "	190	---
"Jerusalem College of Engineering, Chennai "	189.25	---
"Arunai Engineering College, Tiruvannamalai "	188.25	---
"Saranathan College of Engineering, Trichy "	188	---
"S.R.R. Engineering College, Chennai"	187.5	S.K.R. Engineering College என்பது வேறு கல்லூரி
"K.C.G. College of Technology, Chennai "	186.75	---
"Maamallan Institute of Technology, Kanchipuram Dt "	186.5	---
"Sri Muthukumaran Institute of Technology, Chennai "	186.25	---
"Jaya Engineering College, Thiruninravur "	186.25	---
"A.V.C. College of Engineering, Mayiladuthurai "	186	---
"S.A. Engineering College, Chennai "	185	---
"Anand Institute of Higher Technology, Chennai "	184.75	---
"Anjalai Ammal Mahalingam Engineering College, Thiruvarur Dt "	184.5	---
"Meenakshi College of Engineering, Chennai "	184.25	---
"Tagore Engineering College, Chennai "	183.75	---
"Madha Engineering College, Chennai "	182.25	---
"Prathyusha Institute of Technology and Management, Thiruvallur "	180.75	---
"Sree Sastha Institute of Engineering and Technology, Chennai "	180.5	---
"Pallavan College of Engineering, Kanchipuram Dt "	180.44	Kanchi Pallavan college of Engineering, Kanchipuram என்பது வேறு கல்லூரி
"Kamban Engineering College, Tiruvannamalai "	180	---
"S.K.P. Engineering College, Tiruvannamalai "	179	---
"Magna College of Engineering, Chennai "	174.5	---
"Shree Motilal Kanhaiyalal Fomra Institute of Technology, Chennai "	173.95	---
"Kalsar College of Engineering, Kanchipuram Dt. "	169.5	---
"Ponnaiyah Ramajayam College of Engineering and Technology, Thanjavur "	168.25	---

பல கல்லூரிகளுக்கு ஒரே மாதிரி பெயர் இருக்கும். ஒன்று நல்ல கல்லூரியாகவும் மற்றவை ஓட்டையாகவும் இருக்கலாம். சரியாகப் பார்த்து விசாரித்து சேரவும்!

அதிக கட்-ஆஃப் இருந்தால் அது நல்ல கல்லூரி என்று சொல்லலாம். 195க்கு மேலே இருக்கும் கல்லூரிகள் மிக நல்ல கல்லூரிகள் என்றும், 190லிருந்து 195 வரை இருப்பவை நல்ல கல்லூரிகள் என்றும், 185 லிருந்து 190 வரை இருப்பவை ஓரளவு பரவாயில்லை என்றும், 180 முதல் 185 வரை இருப்பவை ஓ.கே. , குறைந்த பட்ச தகுதி இருக்கிறது என்றும் சொல்லலாம். இந்த கட் ஆஃப் மார்க் 180க்கு மேல் இருந்தால், இதில் மேனேஜ்மெண்ட் கோட்டாவில் காசு கொடுத்து சேருவது (உங்களுக்கு வசதி இருந்தால்) ஓகே.

ஒருவேளை உங்கள் மதிப்பெண் இதைவிட குறைவாக இருந்தால் என்ன செய்வது? உங்கள் பிரிவைப் பொறுத்து இந்த கல்லூரிகளிலேயே ஈ.சீ.ஈ. என்ற எலக்ட்ரானிக்ஸ்/கம்யூனிகேசன் கிடைக்கலாம். அப்படியும் கிடக்காவிட்டால், இதைவிட குறைவாக இருக்கும் கல்லூரிகளில் அதிகம் காசை கொட்டி எலக்ட்ரானிக்ஸ் படிப்பதற்கு, இந்த கல்லூரிகளிலேயே வேறு பிரிவு எடுப்பது நல்லது வேறு பிரிவுகளுக்கு கட்-ஆஃப் குறைவாக இருக்கும்.

இது தவிர சில விவரங்கள்: 1. நீங்கள் சென்னையில் இருக்கும் கல்லூரியில் படித்தால் ‘பொது விவரம்' அதிகமாகத் தெரியும். இதை ஆங்கிலத்தில் exposure என்று சொல்லலாம். அதனால் முடிந்த வரை சென்னையில் இருக்கும் கல்லூரியில் படியுங்கள்.

2. விடுதியில் தங்கி படிப்பது நல்லது. இதில் செலவு அதிகம், மற்றும் வீட்டில் இருக்கும் கவனிப்பு இருக்காது. ஆனால், பிறருடன் அட்ஜெஸ்ட் செய்து இருப்பது, ஒரு ஆளை எடை போடுவது எப்படி ஆகியவற்றை உங்களுக்கும் (உங்களுடம் இருக்கும் மற்ற மாணவ மாணவியருக்கும்) அனுபவம் மூலம் கற்பிக்கும் வழியாக எடுத்துக் கொள்ள வேண்டும். விடுதியில் தங்கி இருக்கும் அனுபவம் எதிர்காலத்தில் உங்களுக்கு உதவும். உங்கள் ஊருக்கு அருகில் இருக்கும் கல்லூரியில் சேரவேண்டும் என்று பெற்றோர்கள் விரும்புவார்கள். உங்களுக்கும் ‘தெரியாத இடத்திற்கு போக வேண்டுமா' என்ற கவலை இருக்கும். ஆனாலும் கூட்டிக் கழித்துப் பார்த்தால், மொத்தத்தில் ஹாஸ்டல் நல்லது

3. அரசுக் கல்லூரிகளில் கட்டணம் குறைவு. அதனால் சேலம், திருநெல்வேலி, பருகூர் ஆகிய கல்லூரிகளில் எல்லா மாணவர்களும் சேர விரும்புவார்கள். அதனால் கட்-ஆஃப் அதிகமாக இருக்கும். என்னைப் பொறுத்தவரை, அந்த கல்லூரிகளில் சொல்லித்தருவதை விட சென்னையில் பல தனியார் கல்லூரிகளில் பரவாயில்லை என்று நினைக்கிறேன். உங்களுக்கு மிக நல்ல மதிப்பெண் இருந்தால் சென்னை அண்ணா பல்கலையில் கிடைக்கும். இல்லாவிட்டால் கோவை அரசு கல்லூரியில் கிடைக்கும். மதிப்பெண் கொஞ்சம் குறைந்தால், சேலம் அல்லது மற்ற அரசு கல்லூரிக்கு செல்வதை விட, (வசதி இருந்தால்) சென்னையில் இருக்கும் நல்ல தனியார் கல்லூரியில் சேருவது உங்கள் எதிர்காலத்திற்கு நல்லது.

தமிழக என்ஜினியரிங் கல்லூரிகளில் சேர்க்கை- பகுதி 4

2009-04-18T22:03:00.002+05:30

இதற்கு முன் தமிழகத்தில் இருக்கும் என்ஜினியரிங் கல்லூரிகள் பற்றிய மேலோட்டமான விவரங்களைப் பார்த்தோம். அண்ணா பல்கலை, அரசு கல்லூரி, தனியார் கல்லூரி, தனியார் பல்கலை என்று இவற்றின் வகைகளையும் பார்த்தோம். எல்லா கல்லூரிகளும் ஒரு போல இல்லை. சிலவற்றை 'நல்லவை' என்று சிலவற்றை ‘உதவாதது' என்றும் மாணவர்கள்/பெற்றோர்கள் நினைக்கிறார்கள். அந்தக் கல்லூரியில் படிக்கும் மாணவர்களின் வேலைவாய்ப்பை வைத்து இது தீர்மானிக்கப் படுகிறது என்பதையும், சில தனியார் கல்லூரிகள் இதில் தில்லுமுல்லு செய்வது பற்றியும் பார்த்தோம்.

இனி, ஒரு கல்லூரியை எப்படி நல்ல கல்லூரியா இல்லையா என்று கணிப்பது? இது பற்றி இந்தப் பதிவில் பார்க்கலாம்.

ஒரு கல்லூரியில் படிக்கும் எல்லா மாணவர்களுக்கும் நல்ல வேலை கிடைத்தால் அதை நல்ல கல்லூரி என்று சொல்லலாம். இதைப் பற்றி கொஞ்சம் யோசித்துப் பார்க்கலாம். எல்லா மாணவர்களுக்கும் நல்ல கல்வி தந்தால், வேலை கிடைப்பது சுலபம். ஏனென்றால், தனியார் நிறுவனங்கள் விஷயம் தெரிந்த மாணவர்களை எடுக்கவே எப்போதும் விரும்பும். படிப்பு மட்டும் போதாது என்றாலும், நன்றாகப் பேசும் திறமை, பர்சனாலிடி என்று பல விஷயங்களுடன் படிப்பும் நிச்சயம் தேவை.

கல்லூரி மேனேஜ்மெண்ட் பணம் சம்பாதிப்பதில் குறியாக இருந்தாலும் இல்லாவிட்டாலும், மாணவர்கள் நன்றாக கற்க ஏற்பாடு செய்தால் போதும். அதற்கு நல்ல ஆசிரியர்கள் தேவை. நல்ல ஆசிரியர்கள் வேண்டும் என்றால் ஓரளவாவது நல்ல சம்பளம் கொடுக்க வேண்டும். அதில் கஞ்சத்தனம் செய்து காசு பார்க்கும் கல்லூரிகளில் தான் கல்வி கற்பிப்பது மோசமாக இருக்கும்.

சில தனியார் கல்லூரிகளில், நாலாவது வருடம் கல்லூரி முடித்த மாண்வர்களையே ஆசிரியர்களாக எடுத்து மாதத்திற்கு 5,000 அல்லது 4,000 ரூபாய் சம்பளம் கொடுப்பார்கள். ஏனென்றால் நல்ல ஆசிரியர்களுக்கு 12,000 ரூபாய்க்கும் மேல் கொடுக்க வேண்டி இருக்கும். ஒரு ஆசிரியருக்கு குறைந்த பட்சம் 8,000 ரூபாய் கொடுக்க வேண்டும் என்று விதி உள்ளது. ஆனால் இந்த 'நாலாம் ஆண்டு முடித்த' ஆசிரியர்களிடம் 8000 ரூபாய் சம்பளம் கொடுத்ததாக கையெழுத்து வாங்கிக்கொண்டு கொஞ்சம் பணம் மட்டுமே கொடுப்பார்கள்.

இந்த மாணவர்களாவது நன்றாக சொல்லித்தருவார்களா என்றால் இல்லை. ஏனென்றால், ஓரளவு விஷயம் தெரிந்த மாணவன் வெளியில் தனியார் நிறுவனத்தில் 10,000 ரூபாய்க்காவது வேலையில் சேர்ந்திருப்பான். வெளியில் வேலை கிடைக்காத ‘மக்கு' மாணவன் தான் அடுத்த வருட மாணவர்களுக்கு குறைந்த சம்பளத்தில் சொல்லித்தர வருவான். அதிலும் கூட தனக்கு தெரிந்ததையாவது முழு ஈடுபாட்டுடன் சொல்லித்தர மாட்டான். ஏனென்றால், வெளியில் வேறு வேலை கிடைக்குமா என்ற தேடிக்கொண்டே, பாதி மனதையும் நேரத்தையும் அதில் செலவழித்துக் கொண்டே பாடம் நடத்துவதால், அதில் குறை அதிகமாக இருக்கும்.

(குறிப்பு: நான் இந்த மாணவ/ஆசிரியர்களைக் குறைகூற விரும்பவில்லை. அவர்கள் கஷ்டம் எனக்கு முழுதாகத் தெரியாது. ஒரு கல்லூரியில் சேரும்போது நாம் எதையெல்லாம் பற்றி சிந்திக்க வேண்டும் என்பதை சுட்டிக் காட்ட மட்டும் விரும்புகிறேன்).

அதைப் போலவே சில கல்லூரிகள் இன்னொரு விஷயத்திலும் கஞ்சத்தனத்தைக் காட்டும். அது என்ன என்று கேட்டால் ‘செய்முறை கூடங்கள்' என்ற லேப் (Lab). நல்ல செய்முறை கூடங்களுக்கு பல விலை உயர்ந்த கருவிகளை வாங்க வேண்டும். ஆனால் அதற்கு பதிலாக லொட்டு லொசுக்கு கருவிகளை வைத்து , அல்லது அது கூட வைக்காமல், சில கல்லூரிகள் நடக்கின்றன. அங்கு படிக்கும் மாணவர்களுக்கு பிற கல்லூரிகளில் படிக்கும் மாணவர்களை விட கொஞ்சம் குறைவாகத்தான் விவரம் தெரிந்திருக்கும். ஒரு மெசினைப் பார்த்து ஆபரேட் செய்வதற்கும், புத்தகத்தில் மட்டும் படிப்பதற்கும் நிறைய வித்தியாசம் இருக்கிறது.

சரி இது வரை எல்லாம் ‘தியரடிக்கலாக' பார்த்து இருக்கிறோம். ‘இவை எல்லாம் நல்ல கல்லூரிகள்' என்று ஏதாவது லிஸ்ட் உண்டா?

உண்டு. இந்த லிஸ்டை நீங்களும் தயாரிக்கலாம். கடந்த ஒரு சில வருடங்களில் எந்த கல்லூரிகளை மாணவர்கள் விரும்பி எடுத்திருக்கிறார்கள் என்பதை வைத்து ஓரளவு சொல்ல முடியும். அடுத்து இந்த கல்லூரிகள் எல்லாம் சரியாக நடக்கின்றனவா, இங்கு செய்முறை/ஆய்வுக் கூடங்கள் நல்ல படி இருக்கின்றனவா என்று நடுநடுவில் அண்ணா பல்கலைக் கழகத்தில் இருந்தும், வேறு சில பல்கலைக் கழகத்தில் இருந்தும் சோதனைக்கு செல்வார்கள். அவர்களில் யாரையாவது உங்களுக்கு தனிப்பட்ட முறையில் தெரிந்து இருந்தால் அதன் மூலமும் இந்தத் தனியார் கல்லூரி பற்றி அறிந்து கொள்ள முடியும். அப்படி இப்படி சேர்த்த நல்ல கல்லூரிகளின் லிஸ்ட், அடுத்த பதிவில்.

தமிழக என்ஜினியரிங் கல்லூரிகளில் சேர்க்கை- பகுதி 3

2009-03-25T10:25:00.000+05:30

சில தனியார் கல்லூரிகள், ‘100% ப்ளெஸ்மெண்ட்' இல்லாதபோதே, இருப்பது போல காண்பிக்கும். இதற்கு ஒரு குறுக்கு வழி உண்டு. இப்படி காண்பித்தால், புதிதாக வரும் மாணவர்கள்/பெற்றோர்கள் ‘சரி, இங்கே படித்தால், படித்து முடித்ததும் வேலை கிடைத்துவிடும்” என்ற நம்பிக்கையில், டொனேசன் கட்டி சேருவார்கள்.

கேம்பஸ் ப்ளேஸ்மெண்ட் (அதாவது கல்லூரி வழியாக வேலை கிடைப்பது) என்பது அண்ணா பல்கலைக் கழகம் நடத்துவது. அண்ணா பல்கலையின் கீழே இருக்கும் மாணவர்களை பல கம்பெனிகள் வந்து தேர்வு மற்றும் இண்டெர்வியூ வைத்து வேலைக்கு எடுத்துக் கொள்ளும். வேலைக்கு எடுத்துக் கொள்ளும் மாணவர்களுக்கு, அண்ணா பல்கலைக் கழகம் மூலம் லெட்டர் கொடுக்கும். இதனால் அண்ணா பல்கலைக் கழகத்திற்கும், ‘இந்தக் கல்லூரியில், இந்தப் பிரிவில் இத்தனை மாணவர்களுக்கு வேலை கிடைத்துள்ளது' என்ற புள்ளி விவரம் கிடைக்கும்.

இதில் எப்படி ஏமாற்ற முடியும்?

ஒரு எடுத்துக் காட்டாக “தில்லாலங்கடி காலேஜ்' என்று ஒரு காலேஜ் நான் நடத்துவதாக வைத்துக் கொள்வோம். எனது கல்லூரி மாணவர்களுக்கு ப்ளேஸ்மெண்ட் காண்பிக்க, என் நண்பரையோ அல்லது உறவினரையோ வைத்து “டுபாக்கூர் கம்பெனி' என்ற பெயரில் ஒரு கம்பெனியை ரெஜிஸ்டர் செய்து விடுவேன். அண்ணா பல்கலைக் கழகத்தில் சில ஆயிரங்கள் கட்டி விட்டு, அந்தக் கம்பெனி முதலாளியாக நண்பர் வந்து, என் கல்லூரி மாணவர்கள் பலருக்கு வேலை கொடுத்துவிட்டு போய் விடுவார். லெட்டரில் “மே மாதம் 15ம் தேதி வந்து சேர்ந்து விடுங்கள், உங்கள் சம்பளம் மாதம் 15 ஆயிரம் ரூபாய்” என்று இருக்கும். மாணவர்களும் ‘வேலை கிடைத்து விட்டது' என்ற மகிழ்ச்சியில் இருப்பார்கள்.

என்னைப் பொறுத்த வரை ” எங்கள் கல்லூரியில் எல்லா மாணவர்களுக்கும் வேலை கிடைத்து விட்டது, 100% ப்ளேஸ்மெண்ட். எங்கள் கல்லூரி மிகச் சிறந்த கல்லூரி” என்று வெளியில் சொல்லி விடுவேன்.

ஆனால் மாணவர்களுக்கு மே மாதம், இன்னோரு லெட்டர் வரும். ‘கம்பெனி நிலை சரியில்லாததால், அக்டோபர் 1ம் தேதி வந்து சேருங்கள்' என்று சொல்லும். அக்டோபரில் “அடுத்த ஜனவரி சேருங்கள்' என்று இன்னொரு லெட்டர் வரும். நேரில் போய் விசாரித்தால், ‘இப்போது வசதி இல்லை, வேண்டுமானால் சம்பளம் இல்லாமல் 3 மாதம் ட்ரெய்னிங் இருங்கள் பார்க்கலாம்' என்று சொல்வார்கள். மாணவர்களே வெறுத்துப் போய் வெளியே வேறு இடத்தில் வேலை தேடிக் கொள்வார்கள். மறுபடி இந்த டுபாக்கூர் கம்பெனி அண்ணா பல்கலைக்கு போய், அடுத்த பேட்ச் மாணவர்களுக்கு இண்டெர்வியூ வைக்கும். ஒவ்வொரு தேர்தலிலும் அரசியல்வாதிகள் வாக்குறுதி கொடுப்பது போல, ஒவ்வொரு கேம்பஸ் ப்ளேஸ்மெண்டிலும் போய் ”நிறைவேற்ற மாட்டோம்” என்ற எண்ணத்தை வைத்துக் கொண்டே லெட்டர் கொடுக்கும்.

மாணவர்கள் கல்லூரி விட்டு வெளிவந்த பிறகு ”இந்த கம்பெனி இப்படி அலைக்கழிக்கிறது” என்று அண்ணா பல்கலைக் கழகத்திற்கு போய் கம்ப்ளெய்ண்ட் கொடுப்பதற்கு பதிலாக வெறுத்துப் போய் விட்டு விடுவார்கள். அதிகம் பேர் கம்ப்ளெய்ண்ட் கொடுத்தால், விவரம் மீறிப் போனால், இந்த டுபார்க்கூர் கம்பெனியை கேம்பஸ் ப்ளேஸ்மெண்ட் வராமல் தடுக்கலாம். ஆனால், அதே ஆள் இன்னொரு கம்பெனி பெயரில் இதே வேலையை செய்வதை அவ்வளவு சுலபமாகத் தடுக்க முடியாது.

சரி, இது மோசமான கல்லூரிக்கு அறிகுறி. எதை வைத்து ஒரு கல்லூரியை ‘இது நல்ல கல்லூரி' என்று சொல்வது?

தமிழக என்ஜினியரிங் கல்லூரிகளில் சேர்க்கை- பகுதி 2

2009-03-23T16:56:00.000+05:30

தமிழக எஞ்சினியரிங் கல்லூரிகள் பற்றிய சில விவரங்களையும், மதிப்பீடுகளையும் பார்க்கலாம்.

டிஸ்கி: இந்த விவரங்கள் ‘காத்து வாக்கில்' வந்த செய்திகளை வைத்து எழுதுவது. குறிப்பாக சில விவரங்களை சொன்னவர்கள், அவர்கள் பெயர்கள் வெளி வருவதை விரும்பவில்லை. “அவர்கள் நேர்மையாகவும் சரியாகவும் சொல்லுகிறார்கள், அவர்களுக்கு விவரம் நன்றாகத் தெரியும்” என்ற நம்பிக்கையில் நான் இங்கு எழுதுகிறேன்.

1. அரசு கல்லூரிகள் அனைத்தும் ஒரே லெவலில் இருப்பதில்லை. எ.கா. கோயம்புத்தூரில் இருக்கும் அரசு கல்லூரி, பருகூரில் இருக்கும் அரசு கல்லூரியை விட பல மடங்கு சிறந்தது. இது பற்றி மேலும் விவரங்களைப் பின்னர் பார்க்கலாம்.

2. சில தனியார் கல்லூரிகள் சில அரசு கல்லூரிகளை விட பரவாயில்லை.

3. தனியார் கல்லூரியில் ஒன்றான ‘சி.ஐ.டி' என்ற கோயம்புத்தூர் இன்ஸ்டிடுட் ஆஃப் டெக்னாலஜி' தனது எல்லா சீட்டுக்களையும் அரசுக்கே தந்து விடுகிறது. இதில் மேனேஜ்மெண்ட் கோட்டா என்பது கிடையாது. (இவ்விவரம் சரியா என்று நிச்சயமாகத் தெரியவில்லை).

4. சென்னையில் இருக்கும் ‘எஸ்.எஸ்.என்' என்ற ‘சிவசுப்ரமணியம் நாடார் கல்லூரி'யில் டொனேசன் வாங்குவதில்லை. தனியார் மேனேஜ்மெண்ட் வழியில் மாணவர்களை ‘எக்சாம்' வைத்து எடுக்கிறார்கள். பணம் கொடுத்து சீட் வாங்க முடியாது. நன்றாக மார்க் வாங்கும் மாணவர்களுக்கு ஸ்காலர்ஷிப் கொடுக்கிறார்கள்.

5. 'ஈ.சீ.ஈ' என்ற எலக்ட்ரானிக்ஸ், கம்யூனிகேசன் பிரிவைத்தான் மாணவர்கள் அதிகம் விரும்புகிறார்கள். அதனால், டொனேசனுக்கும் அதற்குதான் அதிகம். 3 லட்சத்தில் இருந்து 10 லட்சம் வரை நல்ல பெயர் வாங்கிய தனியார் கல்லூரிகளில் கேட்கிறார்கள்.

6. தனியார் கல்லூரி/ ‘பல்கலை'யில், மார்க் வரும் முன்னரே நீங்கள் கொஞ்சம் ‘அட்வான்ஸ்' கொடுத்தால், சீட் புக் செய்து கொள்ளலாம். மார்க் வந்த பின், கவுன்சலிங் வரும் முன்னும் புக் செய்து கொள்ளலாம். ரேட் கொஞ்சம் அதிகமாகும். கவுன்சிலிங் நட்க்கும் பொழுது புக் செய்தால் ரேட் ரொம்ப அதிகமாகும். சீட்டே இல்லாமலும் போகலாம்.

7. கல்லூரியின் மேனேஜ்மெண்ட் விருப்பத்தைப் பொறுத்து டொனேசன் மாறுபடும். கல்லூரி நடத்துபவர்கள் உங்கள் சாதி/மதமாக இருந்தால் டொனேசனை கொஞ்சம் பேசிக் குறைக்கலாம். குறிப்பாக சிறுபான்மையினர் நடத்தும் கல்லூரியில், அவர்கள் சமுதாயத்தை சேர்ந்தவர்களுக்கு குறைக்க வாய்ப்பு உண்டு.

8. ஒரு தனியார் கல்லூரியில் ஒரு குறிப்பிட்ட பிரிவில் மேனேஜ்மெண்ட் வழியில் செல்ல நீங்கள் அட்வான்ஸ் கொடுத்திருக்கிறீர்கள் என்று வைத்துக் கொள்வோம். இது கவுன்சிலிங்கிற்கு முன்னால் நடக்கிறது என்றும் வைத்துக் கொள்வோம்.. உங்கள் மதிப்பெண்களை வைத்து, கவுன்சிலிங்கில் அதே கல்லூரி, அதே பிரிவை நீங்கள் அரசு வழியில் தேர்ந்தெடுத்தால், பல கல்லூரிகளில் உங்கள் அட்வான்சை திருப்பி கொடுத்து விடுவார்கள். (திருப்பி கொடுக்க மாட்டார்கள், கல்லூரி கட்டணத்தில் கழித்துக் கொள்வார்கள்.) இதை முதலிலேயே பேசி வைத்துவிட வேண்டும்.

‘நன்றாக படிக்கும் மாணவர்கள் அதிகம் பேர் தேர்ந்தெடுத்த கல்லூரி நல்ல காலேஜாகத்தான் இருக்கும்' என்றும் நமக்கு தோன்றும். இதற்கு முந்திய வருடத்தில் ஒவ்வொரு கல்லூரியிலும், ஒவ்வொரு பிரிவிலும் எந்த அளவு மார்க் வாங்கியிருந்தால் சீட் கிடைத்தது என்ற விவரம் அண்ணா பல்கலைக் கழக வெப்சைட்டில் இருக்கிறது. இதை வைத்து எது நல்ல கல்லூரி என்பதை ஓரளவு கணிக்கலாம்.

எடுத்துக் காட்டாக, போன வருடம், CEG காலேஜில், 'ஈ.சீ.ஈ.' எடுக்க பொதுப் பிரிவில் 200க்கு 200 எடுத்தவர்களுக்கு மட்டும் கிடைத்தது, முஸ்லிம் கோட்டாவில் 199.25க்கு மேலும், கிருஸ்துவர் கோட்டாவில் 199.5க்கு மேலேயும், பி.சி. கோட்டாவில் 199.75க்கு மேலும், ஓ.பி.சி.யில் 199.25க்கு மேலேயும், எஸ்.சி.யில் 198க்கு மேலும், எஸ்.டி.பிரிவில் 195.25க்கு மேலும் எடுத்திருக்க வேண்டும். நீங்கள் முஸ்லிமாக இருந்து உங்கள் மதிப்பெண் 199.25க்கு மேலே இருந்தால், பொதுப் பிரிவிலோ அல்லது முஸ்லிம் பிரிவிலோ சீட் கிடைக்கும். இதைவிட மதிப்பெண் குறைவாக இருந்தால், வேறு கல்லூரியோ அல்லது சிவில், மெக்கானிகல் போல வேறு பிரிவோ தேர்ந்தெடுக்க வேண்டி இருக்கும்.

இதை வைத்து, இந்த வருடத்திலும் கட்-ஆஃப் மார்க் எவ்வளவு இருக்கும் என்பதை ‘ஓரளவு தோராயமாக' கணிக்கலாம். நீங்கள் 190 மார்க் எடுத்தால், இந்த காலேஜில் ஈ.சீ.ஈ. கிடைக்க வாய்ப்பே இல்லை என்று சொல்லி விடலாம். இது போல வேறு கல்லூரிகளிலும், வேறு பிரிவுகளிலும் போன வருட கட் ஆஃப் பார்த்தால் (1) உங்கள் மார்க்கிற்கு என்ன கிடைக்கும் என்பது சுமாராகத் தெரியும் (2) போன வருடம் மாணவர்கள் எந்த கல்லூரி/ எந்தப் பிரிவை விரும்பி தேர்ந்தெடுத்திருக்கிறார்கள் என்பதும் தெரியும்.

ஏதாவது ஒரு கல்லூரியில், ஈ.சீ.ஈ. க்கு கட் ஆஃப் மார்க் 150 அல்லது 160 என்று இருந்தால், “பொதுவாக மாணவர்கள்/பெற்றோர்களுக்கு அந்தக் கல்லூரி பற்றி உயர்ந்த எண்ணம் இலலை” என்று புரிந்து கொள்ளலாம். அது போல ஈ.சீ. ஈ. க்கு கட் ஆஃப் மார்க் 195 என்று இருந்தால், பலர் இந்த கல்லூரி பற்றி உயர்ந்த எண்ணம் கொண்டு இருக்கிறார்கள் என்பதைப் புரிந்து கொள்ளலாம்.

ஒரு கல்லூரி/பிரிவை தேர்ந்தெடுக்கும் பொழுது பெரும்பாலானவர்களின் கவலை “இதை முடித்ததும் நல்ல வேலை கிடைக்குமா?” என்பதே. நாலு வருடம் கழித்து என்ன நடக்கும் என்பது யாருக்கும் தெரியாது, இருந்தாலும் இது இயற்கையாக நம் மனதில் தோன்றும் கேள்வி.

”இதற்கு முன் இந்தக் கல்லூரி இந்தப் பிரிவில் படித்த மாணவர்களுக்கு வேலை கிடைத்தால், நமக்கும் நாம் படிப்பை முடிக்கும்போது வேலை கிடைக்கும்” என்ற நம்பிக்கை வரும். ஒரு கல்லூரியில் ஒரு பிரிவில் இருக்கும் எல்லா மாணவர்களுக்கும் வேலை கிடைத்தது என்பதை ‘100% ப்ளேஸ்மெண்ட்' என்று சொல்வார்கள். இதில் சில கல்லூரிகள் தப்புக்கணக்கு காட்டுகின்றன. விவரங்கள் அடுத்த பதிவில்.

தமிழக என்ஜினியரிங் கல்லூரிகளில் சேர்க்கை

2009-03-22T11:45:00.000+05:30

இப்போது +2 தேர்வுகள் முடிகின்றன. நீங்களோ, உங்களுக்கு தெரிந்தவர்களோ தமிழ் நாட்டில் பொறியியல் (என்ஜினியரிங்) கல்லூரியில் சேர விரும்பினால், உங்களுக்கு கீழே இருக்கும் விவரங்கள் உதவலாம்.

தமிழ் நாட்டில், அரசு நேரடியாக அண்ணா பல்கலைக் கழக வளாகத்தில் நான்கு கல்லூரிகளை நடத்துகிறது.இவை 1. CEG என்று அழைக்கப் படும் College of Engineering , 2. AC Tech என்று அழைக்கப படும் Alagappa College of Technology , 3. SAP என்று அழைக்கப்படும் School of Architecture and planning , 4. MIT என்று அழைக்கப்படும் Madras Institute of Technology ஆகும்.

இது தவிர அரசு கோயம்புத்தூர், திருநெல்வேலி, பருகூர், சேலம் என்று பல இடங்களில் பொறியியல் கல்லூரிகளை நடத்துகிறது.

அடுத்து, தமிழ்நாட்டில் தனியார் கல்லூரிகள் நூற்றுக்கணக்கில் இருக்கின்றன.

இந்த அரசு கல்லூரிகள், தனியார் கல்லூரிகள் எல்லாம் அண்ணா பல்கலைக் கழக விதிமுறைகள் கீழே வரும். அண்ணா பல்கலையில் இருக்கும் நான்கு கல்லூரிகளுக்கும், தவிர தமிழ் நாட்டில் இருக்கும் அரசு கல்லூரிகள், தனியார் கல்லூரிகள், இந்த எல்லா இடங்களிலும் சேர்வதற்கு ஒரே ஒரு அப்ளிகேசன் தான் போட வேண்டும். இதில் நீங்கள் விரும்பும் கல்லூரியில், விரும்பும் பிரிவில் சேர முடியுமா என்பது, உங்கள் +2 மதிப்பெண்களைப் பொறுத்து இருக்கும். கணிதம், இயற்பியல் மற்றும் வேதியியலில் அதிகம் மதிப்பெண் எடுப்பவர்களுக்கு முன்னுரிமை கிடைக்கும்.

அண்ணா பல்கலை வளாகக் கல்லூரிகளிலும், அரசு கல்லூரிகளிலும் சேருவதற்கு நன்கொடை என்ற டொனேசன் கிடையாது. இதில் வருடம் கட்ட வேண்டிய கட்டணமும் மிக அதிகமாக இருக்காது.

தனியார் கல்லூரியில் அரசு மூலமும் சேரலாம், மேனேஜ்மெண்ட் என்ற தனியார் மூலமும் சேரலாம். அரசு மூலம் சேர்ந்தால் டொனேசன் கிடையாது. கல்லூரிக் கட்டணம், அரசு கல்லூரியில் வாங்குவதை விட அதிகமாக இருக்கும். இதிலும், உங்கள் மதிப்பெண்களைப் பொறுத்தே முன்னுரிமை இருக்கும்.

தனியார் மேனேஜ்மெண்ட் மூலம் சேர ஒவ்வொரு கல்லூரிக்கும் தனி அப்ளிகேசன் வாங்க வேண்டும். இதில் டொனேஷன் இருக்கும். இது சில லட்சங்கள் இருக்கும். இது நீங்கள் கேட்கும் பிரிவு, உங்கள் வீட்டு வருமானம், உங்கள் மதம் ஆகியவற்றை சார்ந்து மாறுபடலாம். மதிப்பெண்ணுக்கு அதிக மதிப்பு (!) இருக்காது. இந்த வழியில் சேர்ந்தால் வருடக் கட்டணம், மிக அதிகமாக இருக்கும். அப்ளிகேசன் வாங்கவே ஆயிரம் ரூபாய் போன்ற ரேஞ்சில் பணம் கட்ட வேண்டி இருக்கலாம்.

இதில் ஒரு சில தனியார் கல்லூரிகளில் விதி விலக்கு உண்டு. ஆனால் பெரும்பாலான கல்லூரிகள் மேலே சொன்னபடிதான் நடக்கின்றன. எனக்கு தெரிந்த விதிவிலக்குகள் பற்றி அடுத்த பதிவில் எழுதுகிறேன்.

4. இவை எல்லாம் தவிர சில கல்லூரிகள் ‘பல்கலைக் கழக' அந்தஸ்து (Deemed university status) பெற்றுள்ளன. அவை அண்ணா பல்கலை கழகத்தின் கீழே வராது. வேலூரில் இருக்கும் ‘வி.ஐ.டி.', சென்னையில் இருக்கும் ‘எஸ். ஆர். எம்.', தஞ்சாவூரில் இருக்கும் ‘சாஸ்த்ரா' போன்றவை இதில் அடங்கும். இவற்றிற்கு எல்லாம் தனித்தனியே அப்ளிகேசன் வாங்க வேண்டும். இதிலும் அப்ளிகேசன் வாங்க ஆயிரம் ரூபாய் ரேஞ்சில் பணம் கட்ட வேண்டி இருக்கலாம். டொனேசனும் கொடுக்க வேண்டி இருக்கும்.

இப்போது உங்களுக்கு +2வில் எவ்வளவு மதிப்பெண் கிடைக்கும் என்பது உங்களுக்கு தோராயமாக தெரியும். இன்னும் சில வாரங்களில் சரியாகத் தெரிந்து விடும். உங்கள் மதிப்பெண்ணுக்கு ஏற்ற நல்ல கல்லூரியையும், நல்ல பிரிவையும் தேர்ந்தெடுப்பது எப்படி?

அதற்கு முன், அரசு கல்லூரிகள் என்ன என்ன இருக்கின்றன? தனியார் கல்லூரிகள் என்ன இருக்கின்றன? இவற்றில் எது நல்ல கல்லூரி என்பதை தேர்ந்தெடுப்பது எப்படி? சில தனியார் கல்லூரிகளின் ‘தில்லாலங்கடி' வேலைகளைப் புரிந்து கொள்வது எப்படி? இவை பற்றி அடுத்த பதிவில் பார்க்கலாம்.

பொறியியல் துறை மாணவர்கள் கவனத்திற்கு

2009-01-20T08:16:00.000+05:30

பொறியியல் துறையில் படிக்கும் மாணவர்களின் கவனத்திற்கு. சென்னை ஐ.ஐ.டி. இல், summer internship (கோடைக்கால பகுதி நேர வேலை அல்லது ஆராய்ச்சி?) செய்ய வாய்ப்புகள் உள்ளன. இப்போது அதற்கான விளம்பரம் வந்துள்ளது. விவரங்களுக்கு இங்கே சொடுக்கவும். சுருக்கமாக,

1. எல்லா பொறியியல் மற்றும் அறிவியல் துறைகளிலும் இருக்கிறது.
2. அப்ளிகேசன் கொடுக்க கடைசி நாள் பிப்ரவரி 18.
3. internship ஆனது மே மாதம் 16 முதல் ஜுலை 15 வரை. இதில் கொஞ்சம் மாற்றிக்கொள்ள முடியும். (எ.கா. உங்கள் கல்லூரி கொஞ்சம் லேட்டாக முடிந்தால், நீங்களும் தாமதமாக வர அனுமதிப்பார்கள்)
4. மாதம் 6,500/- ரூபாய் வரை, ஸ்காலர்ஷிப் கிடைக்கும்.
5. இது மூன்றாம் ஆண்டு படிக்கும் B.Tech. மாணவர்களுக்கு மற்றும் முதல் ஆண்டு படிக்கும் எம்.எஸ்.சி. மாணவர்களுக்கு. ஆனால், இரண்டாம் ஆண்டு படிக்கும் B.Tech. மாணவர்களும் சும்மா application போட்டு வைக்கலாம் என்பது என் கருத்து.
6. Application fee கிடையாது.

இது நீங்கள் மேல்படிப்பிற்கு அமெரிக்கா செல்ல விரும்பினால் உதவும்.

வெளிநாட்டில் மேல்படிப்பு - ஆராய்சி கட்டுரை எழுதுவது

2008-11-21T21:07:00.000+05:30

வெளிநாட்டில் மேல்படிப்பிற்கு அப்ளிகேசன் போடும்பொழுது, நீங்கள் ஆராய்ச்சி கட்டுரை எழுதி இருந்தால், உங்களுக்கு அட்மிஷனும் ஸ்காலர்ஷிப்பும் கிடைப்பது எளிது என்பதை முன்னால் பார்த்தோம். ஆராய்ச்சி கட்டுரை எழுதுவதற்கு என்ன செய்ய வேண்டும்?

இந்தியாவில் ஐ ஐ டி, ஐ.ஐ.எஸ்.சி (பெங்களூரு), அண்ணா பல்கலைக் கழகம் (சென்னை) இது போன்ற இடங்களில் இருக்கும் பேராசிரியர்களுக்கும் ஆராய்ச்சி கட்டுரை எழுதுவது முக்கியம். அவர்களிடம் experiment செய்ய வசதியும், கம்ப்யூட்டர் வசதிகளும் மற்ற இந்திய கல்லூரிகளைக் காட்டிலும் நன்றாக இருக்கும். இந்த இடங்களில் summer internship செய்தால், உங்கள் பெயருடன் ஆராய்ச்சி கட்டுரை வர வாய்ப்பு அதிகம். ஐ.ஐ.டி., மற்றும் ஐ.ஐ.எஸ்.சி. , டாடா ஆராய்ச்சி நிறுவனம் (TIFR) போன்றவை, வெளிக் கல்லூரி மாணவர்களுக்கு அஃபிஷியலாகவே ‘சம்மர் இண்டர்ன்ஷிப்' என்று ஒரு ப்ரோகிராம் ஒவ்வொரு வருடமும் வெளியிடும். இதை நீங்கள் நடுநடுவில் கூகிளில் சென்று தேடி தெரிந்து கொள்ள வேண்டும். இவை ஜனவரி, பிப்ரவரி சமயம் விளம்பரம் வரும். இதில் தேர்ந்தெடுக்கப் பட்டால், உங்களுக்கு தங்க இடமும், கொஞ்சம் ஸ்காலர்ஷிப்பும் கொடுத்து சுமார் இரண்டு மாதங்கள் ஒரு ப்ராஜக்டும் கொடுப்பார்கள். இங்கே முக்கியமானது ஸ்காலர்ஷிப் அல்ல. அந்த இரண்டு மாதம் நன்றாக வேலை செய்து நல்ல பெயர் எடுக்க வேண்டும்.

இதன் மூலம், நீங்கள் அமெரிக்க கல்லூரிக்கு அப்ளிகேசன் போடும்பொழுது, இந்த ப்ரொபசரிடமும் ‘ரெகமண்டேசன் லெட்டர்' வாங்கலாம். இந்த லெட்டருக்கு கொஞ்சம் அதிக மதிப்பு இருக்கும். இது ‘ஐ ஐ டி' யிலிருந்து வந்ததால் அல்ல; உங்களுடன் தொடர்பில்லாத, உங்கள் முன்னேற்றத்தால் லாபம் பெறாத ஒரு நபரிடம் இருந்து வருவதால். இந்த லாஜிக் என்ன என்றால், ‘உங்கள் கல்லூரி ப்ரொபசர் எப்படியும் உங்களுக்கு நல்ல ரெகமண்டேசன் கொடுப்பார், அவர் உண்மை சொல்கிறாரா என்பது தெரியாது, தன் காலேஜிக்கு நல்ல பெயர் வேண்டும் என்பதால் அப்படித்தான் கொடுப்பார். ஆனால், நீங்கள் வெளியில் இரண்டு மாதம் வேலை செய்த பொழுது, சரியாக வேலை செய்யாவிட்டால், அந்த ப்ரொபசர் நல்ல ரெகமண்டேசன் கொடுக்க மாட்டார்' என்பதாகும். இது முதல் பயன்.

இரண்டு மாத ப்ராஜக்டில் ஆராய்ச்சி கட்டுரை வர சாத்தியம் குறைவே. ஆனால், பெரும்பாலும் என்ன விதமான ப்ராஜக்ட் கொடுப்பார்கள் என்றால், ஒரு பெரிய (ஆறு மாதம் ஆகும்) ப்ராஜக்டில் ஒரு பகுதியை எடுத்துக் கொடுப்பார்கள். மற்ற மாணவர் யாராவது மற்ற பகுதிகளை செய்து கொண்டிருப்பார். நீங்கள் நல்ல படி வேலை செய்தால், மற்ற மாணவரின் வேலையையும் சேர்த்து ஒரு ஆராய்ச்சி கட்டுரை எழுதுவார்கள். அதில் உங்கள் பெயரும் வரும். வர வேண்டும் (ஆராய்ச்சியில் உண்மையிலேயே உங்கள் பங்கு இருந்தால்).

ஆராய்ச்சி ஓரளவு முன்னேறி இருந்தால், அதை கான்பரன்ஸில் எழுதுவார்கள், சொல்வார்கள். கான்பரன்ஸில் வெளியிட அது முழுக் கட்டுரையாக இருக்க வேண்டும் என்பதில்லை. இந்தியாவில்
ஒரு கான்பரன்ஸில் வெளிவந்தால் அதற்கு கொஞ்சம் மதிப்பு. ஒரு இண்டெர்நேசனல் கான்பரஸில் வந்தால் அதிகம் மதிப்பு. கான்பரன்ஸில் உங்கள் வேலை வந்தால் அதை அப்ளிகேசனில் குறிப்பிடலாம். அதற்கு ஓரளவு மதிப்பு உண்டு. இது இரண்டாம் பயன்.

(குறிப்பு: டெக்னிகல் விழா என்ற பெயரில் நடக்கும் ‘சாஸ்த்ரா', ‘அல்கெமி', ‘மெகானிகா' என்ற நிகழ்ச்சிகளில் கலந்து பரிசு வாங்கினால் அதற்கு அவ்வளவாக மதிப்பு இல்லை. ஏனென்றால் இந்த நிகழ்ச்சிகளில் பரிசு வாங்கினால் ‘இந்த மாணவர் வேலை செய்தால் ஆராய்ச்சி கட்டுரை நிறைய வரும்' என்று சொல்ல முடியாது. உங்களின் எந்த ஒரு திறமையையும், அமெரிக்க ப்ரொபசர் எடை போடும் போது இந்த பாயிண்ட் தான் திரும்பத் திரும்ப அவர் மனதில் வரும்)

இதே கான்பரன்சில் வருவதை விட, ஒரு ஜர்னல் (journal) என்ற மாதப் பத்திரிகையில் வந்தால் அதிக மதிப்பு. இதற்கு ஆராய்ச்சி கட்டுரை எழுத நிறைய பயிற்சி வேண்டும். நான் இப்படி ப்ளாக் எழுதுவது போல எழுதி அனுப்பினால், உடனே ‘ரிஜக்ட்' என்று வந்து விடும். இது கல்லூரி மாணவர்களுக்கு பயிற்சி இல்லாததால், முதல் முறை சரியாக வராது. ஆனால் அமெரிக்க ப்ரொபசரும் இதைப்பற்றி அதிகம் கவலைப் படமாட்டார். ‘நீங்கள் நன்றாக ஆராய்ச்சி செய்து ரிசல்ட் கொண்டு வந்தால் போதும், எழுதுவதை நான் பாத்துக்கொள்கிறேன்' என்ற எண்ணத்தில் இருப்பார். அதனால், நீங்கள் ஆராய்ச்சி கட்டுரையை எழுதுவது பற்றி கவலைப்பட வேண்டாம். இதை ஐஐடி அல்லது அண்ணா பல்கலைக் கழக ப்ரொபசர் பார்த்துக்கொள்வார். ஏனென்றால் அவருக்கும் ஆராய்ச்சி கட்டுரை வெளிவருவது முக்கியம்.

இப்படி ஸ்காலர்ஷிப்புடன் சம்மர் இண்டெர்ன்ஷிப் ஒவ்வொரு டிபார்ட்மெண்டுக்கும் , ஒவ்வொரு ஐஐடியிலும் நாலு ஐந்துதான் இருக்கும். எல்லோருக்கும் அது கிடைக்காது. மற்றவர்கள் என்ன செய்யலாம்? மற்றவர்களுக்கும் வழி உண்டு. ஆனால் கொஞ்சம் அதிக வேலை செய்ய வேண்டும், தவிர செலவாகும்.

இண்டெர்னெட்டில் சென்று, ஒவ்வொரு ப்ரொபசரின் வெப்சைட்டையும் பார்க்க வேண்டும். அதில் யார் சமீபத்தில் (ஒரு இரண்டு வருடங்களில்) ஆராய்ச்சி கட்டுரை எழுதி இருக்கிறார்கள் என்பதை பார்க்க வேண்டும். அவர் என்ன ஃபீல்டில் இருக்கிறார் என்பதையும் கவனிக்கவும். அது உங்களுக்கு பிடித்திருந்தால் மிக நல்லது. அப்படி எதுவும் குறிப்பிட்டு இல்லை என்றாலும் சரி. (நானும் கல்லூரியில் படிக்கும்பொழுது 'எதா இருந்தாலும் சரி' என்ற மனநிலையில்தான் இருந்தேன். ‘இந்த பீல்டுலதான் வேலை செய்வேன், வேற பீல்டில் செய்ய மாட்டேன்' என்று நினைக்கவில்லை). சமீபத்தில் கட்டுரை எழுதாதவர், ஆராய்ச்சியை நிறுத்தி விட்டிருக்கலாம், அதனால் அவரை விட்டு விடலாம்.

இப்படி சில ப்ரொபசர்களை செலக்ட் செய்யவும். ஒவ்வொருவரும் எந்த சப்ஜெக்டில் வேலை செய்கிறார்களோ, அதைப்பற்றி கூகிள், விக்கி போன்றவைகளில் சென்று படியுங்கள். அந்த ப்ரொபசர்களின் ஆராய்சி கட்டுரை கிடைத்தால் மிக நல்லது, அதை புரிந்த வரை படியுங்கள். இதை 5, அல்லது 6 ப்ரொபசர்களைப் பற்றிதான் செய்ய முடியும். நூறு பேர் பற்றி செய்ய முடியாது. அதனால், நன்றாக யோசித்து ப்ளான் செய்து படிக்க வேண்டும். ஒவ்வொரு ப்ரொபசரையும் செலக்ட் செய்த பிறகு 8 மணி நேரமாவது அவர் சப்ஜெக்ட் படிக்க ஒதுக்க வேண்டும்.

பிறகு, அவருக்கு மின்னஞ்சல் மூலம் தொடர்பு கொள்ளுங்கள். அதில் உங்களுக்கு அவர் சப்ஜெக்டில் ஈடுபாடு இருக்கிறது என்றும், நீங்கள் அதைப்பற்றி கொஞ்சம் படித்ததில் இன்னும் அதிக ஆர்வம் வந்தது என்றும் சொல்லுங்கள். அவர் கட்டுரையைப் படித்திருந்தால் அதையும் சொல்லவும். பிறகு ‘எனக்கு டிசம்பரில் 30 நாள் லீவு, சம்மரில் இத்தனை நாள் லீவு, நான் மேல் படிப்பு படிக்க விரும்புகிறேன். உங்களிடம் பயிற்சி பெற விரும்புகிறேன். இண்டெர்ன்ஷிப் வாய்ப்பு கொடுங்கள்' என்பதை எழுதுங்கள். மெயிலில் “Dear Professor XYZ" என்று அவர் பெயருடன் எழுதவும். அவர் சரி என்று சொன்னால், அந்த கல்லூரிக்கு பக்கத்தில் தங்க, கல்லூரிக்கு போய்வர நீங்கள் உங்கள் காசு செலவு செய்ய வேண்டும் என்பதை நினைவில் கொள்ளவும். இதற்கு தயாராக இருக்க வேண்டும். உங்கள் குறிக்கோள், 1. நன்கு வேலை செய்து நல்ல ரெகமண்டேசன் வாங்க வேண்டும், 2. ஆராய்ச்சி கட்டுரை வரவேண்டும்.

நீங்கள் நன்கு வேலை செய்தால் நிச்சயம் நல்ல ரெகமண்டேசன் கிடைக்கும். ஆனால் ஆராய்ச்சி கட்டுரை வரும் என்று அடித்து சொல்ல முடியாது. லக் இல்லாவிட்டால் ஒரு வருடம் வேலை செய்தாலும் வராது. ஆனால், போகும்போது ஆப்டிமிஸ்டிக்காக போகவேண்டும்.

இப்படி மெனக்கெடாமல், எல்லா ப்ரொபசருக்கும் ‘Dear Sir/Madam, நான் இரண்டாம் ஆண்டு படிக்கிறேன்,என் resume அட்டாச் செய்திருக்கிறேன், எனக்கு சம்மர் இண்டர்ன்ஷிப் கொடுங்கள்' என்று கேட்டால், அந்த மின்னஞ்சல் உடனே delete செய்யப்படும். இந்த மாதிரி அவர்களுக்கு தினமும் 10 மெயில் வரும், ஒவ்வொன்றுக்கும் பதில் அனுப்ப மாட்டார்கள். ‘நம்மை பற்றி படிக்க இந்த மாணவன் முயற்சி எடுக்கவில்லை, நாம் எதற்கு இந்த மாணவனைப்பற்றி , அவன் ரெசுமேயை படிக்க வேண்டும்?' என்ற எண்ணம் இயற்கையாகவே பல ப்ரொபசருக்கு தோன்றும். நீங்கள் இந்த 'கும்பலிலிருந்து தனித்து நிற்க வேண்டும்' (You have to stand out).அப்போதுதான் வாய்ப்பு அதிகம்.

வெளிநாட்டில் மேல்படிப்பு - பிற விஷயங்கள்

2008-11-20T19:19:00.000+05:30

இந்தப் பதிவில் ‘ஒரு அமெரிக்க ப்ரொஃபசரின் எதிர்பார்ப்பு என்ன' என்பதைப் பார்க்கலாம். அமெரிக்காவில் வேலை செய்யும் ப்ரொஃபசரின் முக்கிய நோக்கம் என்ன என்றால், ‘நிறைய ஆராய்ச்சி கட்டுரை என்ற journal paper எழுத வேண்டும். நிறைய ப்ராஜக்ட் பணம் வாங்க வேண்டும்' என்பதாகும். அதை வைத்துதான் அவரது ‘நிலை' (status) அதிகமாகும்.

ஒரு சிறு குறிப்பு: இங்கு இந்தியாவில் பல தனியார் எஞ்சினியரிங் காலேஜ்களில், BTech முடித்து வேறுவேலை கிடைக்காதவர்களை ஆசிரியர் வேலைக்கு எடுத்திருக்கிறார்கள். ஆனால் அமெரிக்காவில் அல்லது ஐரோப்பாவில் ‘பேராசிரியர்' வேலை மிக அதிக ‘கௌரவம்' உடையது. அதனால், கம்பெனியில் வேலை கிடைப்பதை விட கல்லூரியில் வேலை கிடைப்பது மிக மிகக் கடினம்.பேராசிரியர் வேலையில் இருப்பவர்கள் பெரும்பாலானவர்கள் மிகத் திறமை வாய்ந்தவர்களாக இருப்பார்கள். அங்கு அவர்களுக்கு கம்பெனியில் அதிக சம்பளம் உள்ள வேலை சுலபமாகக் கிடைத்திருக்கும், ஆனாலும் ”வேண்டாம்” என்று சொல்லி விட்டு கல்லூரிக்கு வந்திருப்பார்கள்.

இதை எல்லாம் எதற்கு சொல்கிறேன் என்றால், அப்படி வந்தவர்களுக்கு ஈகோ முக்கியம். அதனால், ‘நான் நிறைய ஆராய்ச்சி கட்டுரை எழுதி இருக்கிறேன்' என்று சொல்வது அவர்களுக்கு மிக முக்கியம். 'நான் ரொம்ப பணக்காரன்' என்று சொல்வது அவ்வளவு முக்கியம் இல்லை.

அவர்கள் ஆராய்ச்சி கட்டுரை எழுத மாணவர்கள் செய்யும் ரிசர்ச் வேலை முக்கியம். ஒரு மாணவனை ‘எடுக்கலாமா வேண்டாமா' என்பதை முடிவு செய்ய, ‘இவரை எடுத்தால் நிறைய ஆராய்ச்சி கட்டுரை எழுத முடியுமா' என்பதுதான் பேராசிரியர் மனதில் முக்கிய கேள்வியாக இருக்கும். மற்ற விஷயங்கள், எடுத்துக்காட்டாக “மாணவன் நன்றாக விளையாடுவாரா” என்பது முற்றிலும் தேவையில்லாத ஒன்று. மாணவர் அங்கு வந்து க்ளாஸ் ஃபர்ஸ்ட் வாங்கினால் கூட அவருக்கு ரொம்ப பயனில்லை. கொஞ்சம்தான் பயன் . ” க்ளாஸ் ஃபர்ஸ்ட் மாணவன் என்னிடம் வேலை செய்கிறான், நான் கைடாக இருக்கிறேன்” என்று சொல்லும் பெருமைதான் அவருக்கு அந்த சிறிய பயன்.

உங்கள் GRE மார்க்கும், கல்லூரி ரேங்க்கும், ரெகமண்டேசன் லெட்டரும் ஒரே ஒரு நோக்கத்தில்தான் பார்க்கப்படும். ‘இந்த மாணவர் நம்மிடம் வேலை செய்தால் ஆராய்ச்சி கட்டுரை நிறைய வருமா?”

GREஐ வைத்து, கல்லூரி ரேங்கை வைத்து, லெட்டரை வைத்து ஓரளவுதான் சொல்ல முடியும். இதற்கு முன் உங்கள் கல்லூரியில் இருந்து ஒரு மாணவர் அங்கு போய் நன்றாக வேலை செய்தால், ‘இந்த முறையும் நன்றாக வர வாய்ப்பு உண்டு' என்ற எண்ணத்தில் அவர்கள் ஸ்காலர்ஷிப் கொடுப்பார்கள்.

இதற்கு மாறாக, இங்கே ஒரு ப்ரொஃபசர் 'இந்த பையன் சூப்பர்' என்று எழுதி, அங்கே போய் அவன் ஊத்திக்கொண்டால், அடுத்து அந்த ப்ரொபசரின் லெட்டருக்கு மதிப்பு இருக்காது. அடுத்து சில வருடங்களில் , அந்த இந்திய கல்லூரியில் இருந்து மாணவர்களை எடுக்கத் தயங்குவார்கள்.

சரி, இதற்கு முன் உங்கள் கல்லூரியில் இருந்து யாருமே போகவில்லை, அல்லது நீங்கள் அமெரிக்காவில் அப்ளிகேசன் போடும் கல்லூரியில் யாரும் போகவில்லை என்றால் என்ன செய்வது?

இங்கே க்ளாஸ் படிப்பைத் தவிர வேறு எந்த வழியிலாவது ஆராய்ச்சி செய்து, ஆராய்ச்சி கட்டுரை எழுதினால், அது மிகப் பெரிய அளவில் உங்கள் அப்ளிகேசனுக்கு மதிப்பை கூட்டும். ‘பையன் ஏற்கனவே இதில் திறமையுடன் இருக்கிறான், இங்கே வந்தாலும் நன்றாக செய்வான்' என்ற எண்ணம் இருக்கும். GRE மார்க், க்ளாஸ் ரேங்க் எல்லாமே கொஞ்சம் குறைவாக இருந்தாலும் பரவாயில்லை. ரெகமண்டேசன் லெட்டர் மோசமாக் இருந்தால் மட்டுமே பாதிப்பு . ‘இந்த பையன் ரொம்ப பிரச்சனை செய்வான்' என்று லெட்டரில் இருந்தால் எடுக்க மாட்டார்கள். ரெகமண்டேசன் மோசமாக இல்லாவிட்டால் உங்கள் வாய்ப்பு நிச்சயம் நன்றாக இருக்கும்.

சரி, ஆராய்ச்சி கட்டுரை எழுதுவது எப்படி? பெரும்பாலான் ஆராய்ச்சிக்கு ‘கவனமும், பொறுமையும் விடா முயற்சியும்' தான் தேவை. ஓரளவு புத்திசாலித்தனம் போதும், அதிபுத்திசாலித்தனம் தேவையில்லை. இந்தியாவிலும் சரி, அமெரிக்காவிலும் சரி, இதுதான் உண்மை. பல மாணவர்கள் ‘ப்ராஜக்ட்' செய்கிறேன் பேர்வழி என்று எதாவது ஆரம்பிப்பார்கள்.ஆனால் அது நினைத்த படி போகாவிட்டால் ஓரிரு வாரங்களில் உற்சாகத்தை இழந்து நிறுத்தி விடுவார்கள். உங்களுக்கு ரொம்ப லக் இருந்தால்தான் முதல் முறையிலேயே வேலை செய்யும். கொஞ்சம் யொசித்துப் பாருங்கள், உருப்படியான ப்ராஜக்ட் முதல் முறையே வந்தால், அது ‘ப்ராஜெக்டே' அல்ல, அது ஒரு க்ளாஸ் ப்ராப்ளம்தான். அவ்வளவு சுலபமாக வராததால்தான் ஆராய்ச்சி செய்ய வேண்டி இருக்கிறது. ஒருநாள் ஜிம் போய் வெய்ட் தூக்கி, அடுத்த நாள் கண்ணாடியில் பார்த்தால், பாடி டெவலப் ஆகி இருக்காது. அதே சமயம், பொறுமையாக ஆறு மாதம் சென்று உடற்பயிற்சி செய்தால் கண்டிப்பாக பலன் உண்டு. ஆராய்ச்சி ஏறக்குறைய அதுபோலத்தான். புத்திசாலித்தனம் அதிகம் இருந்தால், ஆறுமாதத்தில் ரிசல்ட் வருவதை நான்கு மாதத்தில் கொண்டு வரலாம், அவ்வளவே.

இது மட்டும் போதாது, நல்ல ஒரு ப்ராப்ளமும், ரிசல்ட் வந்த பின் அதை நல்ல முறையில் எழுதி பப்ளிஷ் செய்வதும் வேண்டும். ஆராய்ச்சி கட்டுரையில் இரண்டு வகை உண்டு. ஒன்று கான்பரன்ஸ், இரண்டாவது ஜர்னல். இது பற்றிய விவரங்களை அடுத்து பார்க்கலாம். பின்னர், எங்கே போய் ஆராய்ச்சி செய்வது, எப்படி முயற்சி செய்வதால் பலன் அதிகம் என்பதைப் பற்றியும் பார்க்கலாம்.

வெளிநாட்டில் மேல்படிப்பு - GREக்கு படிப்பது

2008-11-20T14:50:00.001+05:30

GRE தேர்வில் மூன்று பகுதிகள் உண்டு. ஒன்று verbal என்ற ஆங்கிலம் பற்றியது. இரண்டாவது quants என்ற கணிதம் பற்றியது. மூன்றாவது analytical என்ற பொது IQ பற்றியது. இரண்டாவதும் மூன்றாவதும் ஒரு மாதம் படித்தாலே போதும். முதல் பகுதிக்கு மட்டும் நன்றாக படிக்க வேண்டும்.

முதல் பகுதியில் ஒரு சொல்லுக்கு சமமான் அர்த்தம் (synonym) எதிர்ப்பொருள்(antonym) ஒரு பத்தியை படித்து அதைப்பற்றிய கேள்விகளுக்கு விடை எழுதுதல்(comprehension)ஆகியவை இருக்கும். இவற்றில் ஆங்கிலத்தில் கடினமான வார்த்தைகள் இருக்கும். நன்றாக தயார் செய்தால் மட்டுமே இதில் நல்ல மார்க் எடுக்க முடியும்.

வார்த்தைகளை ‘சும்மா தட்டினால்' ஓரளவுதான் மனப்பாடம் செய்ய முடியும். இவை நன்கு மனதில் பதிய வேண்டினால் என்ன செய்ய வேண்டும்?

Reader's Digest என்ற ஆங்கில மாதப்பத்திரிகை வாங்கி அதில் இருக்கும் கதைகளைப் படிக்கத் தொடங்குங்கள். அதில் கடினமான வார்த்தைகள் பல வரும். அவற்றிற்கு சரியான அர்த்தம் தெரியாவிட்டாலும், மொத்த வாக்கியத்தின் அர்த்தம் பெரும்பாலும் புரியும். நாம் எல்லோருமே அப்படிப்பட்ட சமயங்களில், கதை புரிந்தால் போதும் என்ற மனப்பான்மையில் விட்டு விடுவோம். அந்த இடத்தில் அர்த்தம் புரியும், அல்லது நாம் ஒருமாதிரி கற்பனை செய்து கொள்வோம். வேறு ஒரு சமயத்தில் அந்த குறிப்பிட்ட வார்த்தைக்கு மட்டும் அர்த்தம் கேட்டால் நமக்கு தெரியாது.

ஒரு முறை புத்தகம் முழுதும் படித்த பின்னால், நமக்கு எந்த எந்த கதைகள் பிடித்திருக்கிறதோ, அதை மீண்டும் ஒருமுறை நிதானமாகப் படிக்க வேண்டும். ஒவ்வொரு வரியிலும் எந்த வார்த்தைக்கு அர்த்தம் துல்லியமாக தெரியவில்லையோ அதை ஒரு நோட்டில் எழுதி, அதன் அர்த்தத்தை டிக்சனரியில் பார்த்து பக்கத்தில் எழுத வேண்டும். அடுத்து, அந்த கதையில் வரும் அந்த முழு வாக்கியத்தையும், நோட்டில் எழுத வேண்டும். இப்படி கதையை படிக்கும்பொழுது, ஒரு கதை படிக்கவே நிறைய நேரம் ஆகும். ஆனால் இதில் படிக்கும் வார்த்தைகள் மனதில் நிற்கும்.

ஏன்?

Barron's புக்கில் (அல்லது அது போன்ற புத்தகத்தில்) இருப்பவை ஒன்றுடன் ஒன்று தொடர்பில்லாத வார்த்தைகள். இப்படி படிப்பது நினைவில் இருக்காது. ஆனால், நாம் அனுபவித்துப் படித்த கதையும், அதன் வாக்கியங்களும் மனதில் அதிக நாள் நிற்கும். நீங்கள் இப்படி எழுதும் நோட் தான் உங்கள் Barons' guide. இதை இரண்டாம் ஆண்டிலிருந்து நீங்கள் செய்து வந்தால் பின்னர் GREக்கு இரண்டு மாதம் முன்னால் இந்த நோட் படித்தால் உங்களுக்கு ஒவ்வொரு வார்த்தையும் ஒரு கதை சொல்லும். அந்த வார்த்தையைப் பார்த்த உடனே உங்களுக்கு அந்த வாக்கியமும் கதையும் நினைவுக்கு வரும்.

ஏன் Reader's Digest?

இது தான் வேண்டும் என்பது இல்லை. ஆனால் இது போன்ற தரம் இருக்கும் எந்தப் பத்திரிகையும் ஓகே. மாதப் புத்தகம்தான் சரி, தினசரி பேப்பர் சரிவராது. ஏனென்றால் ஒரு மாதம் கழித்து பேப்பர் போய்விடும். புத்தகம் என்றால் இரண்டு வருடம் கழித்துக் கூட நீங்கள் மீண்டும் அந்த கதைகளை படிக்கலாம்.

இதற்கு பதில் Sidney Sheldon போன்ற புத்தகம் படிக்கலாமா? படிக்கலாம், ஆனால், மாதப் பத்திரிகையில் பலரும் பல வித எழுத்து நடையில் எழுதுவார்கள். அதனால் மாதப் பத்திரிகை கொஞ்சம் better.

இப்படி படித்தாலும், கடைசியில் கொஞ்சம் ஓரிரு மாதங்கள் Barons படிக்கவும். விட்டுப் போன சில வார்த்தைகளை ‘தட்டி' மார்க் வாங்கலாம். ஆனால் நோட் போட்டு எழுதியதில் அடிப்படை கொஞ்சம் strongஆக இருக்கும்.

இந்த முறையில் செய்ய குறைந்தது தேர்வு எழுத 6 மாதங்கள் முன் ஆரம்பிக்க வேண்டும். முடிந்தால் இரண்டாம் ஆண்டு முதல் தயார் செய்ய தொடங்குங்கள். ஆனால் இரண்டாம் ஆண்டு முதல் பேரன்ஸ் படிக்க வேண்டாம்! ஒரு அர்த்தமில்லாமல் மனப்பாடம் செய்த வார்த்தைகள் சில மாதங்களில் மறந்துவிடும். அதனால் பேரன்ஸ் புத்தகத்தை தேர்வுக்கு 2,3 மாதங்களுக்கு முன் படித்தால் போதும்.

அடுத்து ‘GRE படிப்பது தவிர வேறு என்ன வழிகளில், வெளிநாட்டு படிப்பு, ஸ்காலர்ஷிப் நமக்கு கிடைக்கும் சான்ஸை அதிகப்படுத்தலாம்' என்பது பற்றி பார்க்கலாம்.

வெளிநாட்டில் மேல்படிப்பு படிப்பது பற்றி

2008-11-20T11:50:00.000+05:30

இந்தப் பதிவில், வெளிநாட்டில் எஞ்சினியரிங் மாணவர்கள் மேல் படிப்பு படிப்பதற்கு எப்படி தங்களை தயார் செய்து கொள்ளலாம் என்பது பற்றி எனக்கு தெரிந்த சில விவரங்களை எழுதுகிறேன்.
இது பொறியியல் (Engineering) மாணவர்களுக்கு, குறிப்பாக முதல் மூன்று வருடங்களில் இருக்கும் மாணவர்களுக்கு உதவலாம்.

நீங்கள் நான்கு வருடம் பொறியியல் படித்து விட்டு மேல்படிப்பிற்கு அமெரிக்காவிற்கு செல்ல விரும்பினால், அதற்கு இரண்டாம் ஆண்டிலிருந்து கொஞ்சம் கொஞ்சமாக தயார் செய்து கொள்வது நல்லது. மேல்படிப்பிற்கு ஸ்காலர்ஷிப்புடன் போக மூன்று விஷயங்கள் தேவை

ஓரளவு நல்ல கல்லூரியில் படித்து நல்ல மதிப்பெண்கள் வாங்க வேண்டும்
GRE என்ற தேர்வில் நல்ல மதிப்பெண்கள் வாங்க வேண்டும்
- கூடவே TOEFL என்ற தேர்வும் எழுத வேண்டும். ஆனால் GREக்கு நன்றாக படித்தால், TOEFL சுலபமாக எழுதலாம்

கல்லூரி பேராசிரியரிடம் நல்ல Recommendation Letter வாங்க வேண்டும்

1. கல்லூரியில் படித்து நல்ல மதிப்பெண் வாங்குவது உங்கள் கையில். ‘ஓரளவு நல்ல கல்லூரி' என்றால் என்ன? நீங்கள் சேர்ந்திருக்கும் கல்லூரியில் இருந்து ஏற்கனவே சீனியர்கள் வெளிநாட்டுக்கு போயிருந்தால் (அவர்கள் அங்கு ஓரளவு நன்றாக படித்தால்) உங்களுக்கு வாய்ப்பு அதிகம். இதை ‘ஓரளவு நல்ல கல்லூரி' என்று சொல்லலாம். அப்படி இல்லாவிட்டால், நீங்கள்தான் தொடங்க வேண்டும்!

2. GRE என்பதற்கு எப்படி படிப்பது. இது பற்றி தமிழில் பதிவுகள் இருக்கிறதா என்று தெரியவில்லை. ஆங்கிலத்தில் நிறைய இருக்கும். இந்த தேர்வில் மூன்று பகுதிகள் உண்டு. இதில் கடினமானது verbal என்ற ஆங்கிலப் பகுதிதான். இதில் நல்ல மார்க் எடுக்க ஆங்கிலத்தில் பல கடினமான வார்த்தைகளுக்கு பொருள் தெரிய வேண்டும். பல வார்த்தைகளை மனப்பாடம் செய்து ஓரளவு ஒப்பேத்தலாம். இதற்கு Barron's guide என்றும் வேறு சில புத்தகங்களும் இருக்கின்றன. ஆனால், இதைவிட சிறப்பாக செய்ய வழி உண்டு. (அடுத்த பதிவில்)

3. கல்லூரி ஆசிரியரிடம் நல்ல Recommendation Letter. நன்றாக படித்து, ரொம்ப ரகளை செய்யாவிட்டால் இது கிடைக்கும். ஆனால், உங்கள் கல்லூரி பேராசிரியரை அமெரிக்க கல்லூரியில் இருப்பவர்களுக்கு தெரியாவிட்டால், இதற்கு அவ்வளவு மதிப்பு இல்லை. இந்த நிலையில், ரெகமண்டேஷன் சரியில்லை என்றால் உங்கள் அப்ளிகேஷன் ஒதுக்கப்படும். ஆனால், ரெகமண்டேஷன் நன்றாக இருந்தால் அதை கண்டுகொள்ள மாட்டார்கள்.

இது தவிர வேறு சில வழிகளில் உங்கள் சான்ஸை அதிகமாக்கலாம். அவை என்ன என்பதை பார்க்கும் முன்னால், ஒரு அமெரிக்க கல்லூரி பேராசிரியர், தன்னிடம் வரும் மாணவர் “என்ன திறமைகளை கொண்டிருக்க வேண்டும்” என்று எதிர்பார்ப்பார் என்பதை பார்க்கலாம். அதை சரியாக புரிந்து கொண்டால், நாம் எதை முன்னிறுத்த வேண்டும் (emphasize செய்ய வேண்டும்) என்பது சுலபமாக விளங்கிவிடும்.

சென்னையில், MCA படித்தவருக்கு வேலை தேவை

2008-11-12T14:01:00.000+05:30

பெயர்: நளாயினி ராமநாதன்.
மற்ற விவரங்கள்: 2007ல் கோவையில் MCA முடித்திருக்கிறார் (80%). 2004ல் சிவகாசி ராஜரத்தினம் பெண்கள் கல்லூரியில் BSc(Physics) படித்திருக்கிறார் (74%). 2007 முதல் 2008 வரை (ஒரு வருடம் சில மாதங்கள்) அண்ணா பல்கலைக்கழகத்தில் Professional Assistantஆக வேலை செய்திருக்கிறார் (Oracle, J2EE implementation). தற்போது வேளச்சேரியில் இருக்கிறார்.

மின்னஞ்சல்: nalayiniramanathan.mea _ AT _ gmail.com

Software Proficiency: Core Java, J2EE, Oracle-9i, RDBMS, Windows NT
Credentials: Microsoft certified professional (MCP), Completed ASP .NET basic course, Diploma in information technology (DIT), certified course in Desktop Publishing (DTP)

Presented two papers in WIMAX Technology and one paper in Role of Magnetism in Physics.

Languages:

Spoken and written: Tamil, English
Spoken: Telugu, Malayalam

சென்னையில் இ.சி.இ. டிப்ளமா படித்தவருக்கு வேலை தேவை (ECE Diploma Holder Looking for Job in Chennai)

2008-11-03T08:54:00.001+05:30

சென்னையில் ‘பரத் ஜெபராஜ்' என்பவர் வேலை தேடுகிறார். டிப்ளமா இ.சி.இ. (2007)ல் படித்திருக்கிறார். DCL கம்பெனியில் system admin (maintenance)ஆக 2007 முதல் 2008 வரை வேலை செய்திருக்கிறார். விடியோ கான்பரன்ஸ் சிஸ்டம், மெர்க்குரி சாஃப்ட்வேர் (மெடிக்கல் துறையில்) ஆகியவற்றை maintain செய்திருக்கிறார்.

வயது: 20
செல்பேசி: 99940 90670
மின்னஞ்சல்: bharathmkm@gmail.com

உங்களுக்குத் தெரிந்து இவருக்கு ஏற்ற வேலை காலியாக இருந்தால், இணைத்து விடலாம். If you know a suitable opening, you can link this person with the employer and let them decide.

வேலை வாய்ப்பு தேடி

2008-11-02T14:01:00.000+05:30

இவருக்கு தற்பொழுது வேலை கிடைத்துவிட்டதால், இந்த resumeவை விட்டுவிடலாம்.

சென்னையில் , B.Com. and Diploma in Computer Hardware வேலை தேடுகிறார். விவரங்கள் கீழே.

S. Sureshkumar
Plot No 1, Thulukkanathamman Koil St. Extn.
Thirumalai Nagar (Near Saibalaji Nagar)
Pallikkaranai, Chennai 601 302

Objective: A challenging position where I can apply my hardware and software skills and learn

Education:

Examination Institution Division/Class Year
HSC Board of HSE, TN Second 2004
Diploma in Comp. Hardware TN Christ Council, Guindy First 2005
B. Com (commerce) Madras Univ Third 2008

Software Skills: Desktop Publishing, Page Maker, Corel Draw, Photoshop. Windows family OS
Hardware Skills: Assembly of CPU, Mother board, Hard drive etc.
Other relevant skills: Typewriting in English (Lower)
Experience:

Employer Details Type of Work From To
Micro Film Raja Muthiah Research Library (RMRL) Micro filming, Editing, film scanning Aug 2005 Aug 2006
IIT-Madras, JEE office Data Entry for JEE application Nov 2006 July 2007

IIT-Madras, GATE Office Data Entry for GATE application. Software and Hardware maintenance Aug 2007 June 2008

Other information:
Date of Birth: 08-04-1985 (DD-MM-YYYY)
Father’s Name: P. Shanmugam

Examination	Institution	Division/Class	Year
HSC	Board of HSE, TN	Second	2004
Diploma in Comp. Hardware	TN Christ Council, Guindy	First	2005
B. Com (commerce)	Madras Univ	Third	2008

Employer Details	Type of Work	From	To
Micro Film Raja Muthiah Research Library (RMRL)	Micro filming, Editing, film scanning	Aug 2005	Aug 2006
IIT-Madras, JEE office	Data Entry for JEE application	Nov 2006	July 2007
IIT-Madras, GATE Office	Data Entry for GATE application. Software and Hardware maintenance	Aug 2007	June 2008